A Biblioteca Virtual do Patrimonio Bibliográfico, xestionada pola Subdirección Xeral de Coordinación Bibliotecaria do Ministerio de Educación, Cultura e Deporte, é unha biblioteca dixital na que se ofrece aos cidadáns unha valiosa e crecente colección de reproducións facsímiles dixitais de manuscritos, libros impresos, fotografías históricas, materiais cartográficos, partituras e demais materiais que se conservan en institucións da memoria (arquivos, bibliotecas e museos) e forman parte do Patrimonio Bibliográfico Español.

Esta iniciativa permite aos cidadáns consultar sen restricións eses fondos, na súa maioría públicos, que, polas súas características, se conservan en depósitos especiais e son dificilmente accesibles.

O proxecto é o froito da cooperación do Ministerio de Educación, Cultura e Deporte e as comunidades coas comunidades autónomas e outras administracións e institucións públicas ou privadas. Os fondos dixitalizados proveñen de bibliotecas, arquivos e museos, de comunidades autónomas, ministerios, concellos, ateneos, fundacións, universidades, institucións privadas, reais academias, particulares, etc. Grazas ao traballo e colaboración de todas estas persoas e institucións, que realizan tarefas de selección de fondos e os ceden para a súa dixitalización, foi posible sacar adiante este proxecto.

A Biblioteca Virtual do Patrimonio Bibliográfico ofrece actualmente (agosto de 2017), en acceso aberto e gratuíto, uns 23.000 libros impresos antigos, 2.500 manuscritos, 5.131 materiais cartográficos (atlas e mapas), 85.500 materiais gráficos e fotográficos, 212 partituras, etc.

Máis información