Hasiera

Ondare Bibliografikoaren Liburutegi Birtuala (BVPB) Hezkuntza, Kultura eta Kirol Ministerioaren Liburutegiak Koordinatzeko Zuzendariordetza Nagusiak kudeatzen du. Liburutegi digitala da, eta herritarren eskura jartzen du memoriaren erakundeetan (artxiboak, liburutegiak eta museoak) gordetzen diren eta Espainiako Ondare Bibliografikoaren parte diren eskuizkribu, liburu inprimatu, argazki historiko, material kartografiko, partitura eta gainerako materialen faksimileen bilduma baliotsu eta gero eta handiagoa.

Ekimen honi esker, herritarrek inolako mugarik gabe kontsulta ditzakete eskuratzeko zailak diren funts batzuk, gehienbat publikoak, dituzten ezaugarriak direla-eta gordailu berezietan kontserbatzen direnak.

Proiektua lankidetzaren fruitu da; zehazki, Hezkuntza, Kultura eta Kirol Ministerioaren, autonomia-erkidegoen eta beste administrazio eta erakunde publiko nahiz pribatu batzuen artekoa. Funts digitalizatuak autonomia-erkidegoen, ministerioen, udalen, ateneoen, fundazioen, unibertsitateen, erakunde pribatuen, errege-akademien, partikularren eta abarren liburutegi, artxibo eta museoetatik datoz. Pertsona eta erakunde horien guztien lankidetzari esker atera da proiektu hau aurrera, funtsak hautatzen lagundu eta digitalizatzeko laga baitituzte.

Ondare Bibliografikoaren Liburutegi Birtualak, gaur egun, sarbide irekia eta doakoa ematen du gutxi gorabehera 23.000 liburu inprimatu zahar, 2.500 eskuizkribu, 5.131 material kartografiko (atlasak eta mapak), 85.500 material grafiko eta fotografiko, 212 partitura eta abar eskuratzeko.

Informazio gehiago