Eskola
liburutegi historikoak

1845ean, probintzia bakoitzean batxilergo institutu bat sortu zuten, Madrilen izan ezik. Espainiako hiriburuan bi ipini zituzten: San Isidro eta Cardenal Cisneros institutuak. 1857an, Instrukzio Publikoko Legeak bigarren hezkuntzako institutu bakoitzean liburutegi bat ipinarazi zuen.

Erakunde horietan, azken 150 urteetan izandako teoria pedagogikoak eta irakaskuntza ohiturak daude jasota. Orain, Ondare Bibliografikoko Liburutegi Birtualak material hori guztia batuta aurkeztu du. Belaunaldi askoren hezkuntza-memoria osatzen dute, eta hezkuntzaren historiarako iturri baliotsuak dira.